Federkrieg
Gratis bloggen bei
myblog.de



Dudn


A-E

F-J

K-O

P-S

T-Z



is jo supa...

...dass am Donnastog bei dir geht! Werd morgn glei um Urlaub ofrogn.
 
Oh, donn hob i des mim Poitan verwexlt. Dabei hob i gonz fest an di docht am Freitog.
 
Matrotznparty? I brauchat a neiche. Owa koa so a teiane. Wenns da allzu fad is konnst jo zu mia aufa kemma.
 
Woasst wer grod bei mir woa?

sLexei am 25.6.07 19:55


Ontwoat

Griasdi!

Am Donnastog gez bei mir!!

SPoitan woa ned so intressant - wei goa koans woa . Es is nämlich erst am kommendn Freitog.

Wochnende woa gonz nett, an Somstog hob i mit da Sandra eikauft fias Poitan und gestan hom ma Chorausflug ghobt zum Baumkronenweg nach Kopfing. Des woa gonz klass. Heit hob i moi wieda Entsponnungstog. Mittogs hob i moi Hausfrau gspüt und mi an am Gasbatscho (=Gazpacho) vosuacht. Es woa gonz guat, oba i hob ma's bessa vorgstöt.

Am Mittwoch muas i auf de Matrotznparty vo da L.is.Bet. Mi gfreits übahaupt ned, oba i tuas ihr zuliebe....

Ansonstn gibz nix Neichs!

GGGGGLG

dMon am 25.6.07 16:25


Donnastog

Wia gez da?
Wia woa dei WE?
Hobts gscheit Poltat?
 
Bei mir woas voi supa aufm Konzert vo da Christl. Woa echt voi begeistert! Und gestan woa i mit daBiene und anTom wondan in da Oimbochklomm. Woa a voi schä!
 
Du, passt des mit Donnastog? Dass ma Frühstückn gegan und donn zur Soizbuagschoklad? Weil donn frog i ob i Urlaub hom deaf.
 
Boah, mia is sooo hoass. Owa wem vazö i des?

sLexei am 25.6.07 15:25


Bin baff

Zerscht hob i ma docht, du wüst mi vaoschn. Wos soi an so blede Kotzbüdln interessant sei. Hob owa doch net aufgebn und imma weiter geklickt. Und dann...   

Des is jo die KAS! Und die is ois ondane ois HEILIG!!!!!
Wia host denn die Seitn gfundn?

Ko i di uma oans ohallofonieren?

sLexei am 21.6.07 11:57


Interessant....

Schau da moi de Homepage o: http://www.birmakatze.at

Du werst auf interessante Büdln stoßn.....

dMon am 21.6.07 09:13


Wegn unsan Date

I ruaf di morgn moi o. Bin grod so furchtbar miad vo da Hitz. Doa dann ma owa auf jedn Foi wos, nur wos kinnan ma jo nu kurzfristig ausmochn.
Guade Nocht! Tram wos schäns!
sLexei am 20.6.07 20:17


Moagn

§1 Kinna: i glaub, de meiste Zeit schlofns eh, wei dChristl is nur vo 2 - 4e ned do und umma 1 gehns ins Bett. Bin gsponnt, wia des wird, wei i scho long nimma auf Kinna aufpasst hob - oba jetzt muas i eh übn . Ausanondakenna tua is imma nu ned gscheit, oba da Vorteil is, dass jetzt nu de Woaheit sogn, wonn mas frogt, wias hoassn :D

§2 Händi: Nr. und so bleibt ois gleich, i hob nur verlängert. Es is a Sony Ericsson K750i woan, des woa des beste, woss bei denen ghobt hom, de hom jo leida nur Uroit-Händis. Oba zumindest nervt da Akku nimma (hoff i).

§3 ausmoin: jo, mia moins Kinnazimma aus, wei erschtns gheats e wieda ausgmoin, weis scho wieda so an Grauschleia hot und aussadem woit i a Foab hom. Es wird epfigrea und sunngeib, nur wöcha Wond wöcha Foab hom soid konn i mi ned entscheidn . Ma wirds segn...

§4 Polizei: de woan do, weils (hoit di fest) im Nochbahaus vo deina oidn Wohnung Granotn in an Kellerabteil gfundn hom und wissn woitn, wem des gheat. Oba da G hot eana ned höfn kinna, wei do herrscht des söwe System wia in deim "oidn" Haus, d.h. neamd woas, wem des Zeig gheat. Bin gsponnt, wos do nu aussakummt!

§5 Donnastog: bis jetzt hob i nu Zeit Wos toan ma denn?

§6 Kurs: der woa a bissal onstrengend - si hot uns vazöt, wia genau des Gonze ablauft (mit Puppn und Schaumstoffbeckn und Stoffplazenta ). Soo genau woit is goa ned wissn, es reicht ma eh zu wissn, wos aussamuas... Donn hom uns de Männa massiern deafn, des woa wieda schä und ois Belohnung hommas donn a massiert!

So, schaun ma moi, wos da Tog heit ois bringt - es soi jo voi hoas wean! Umma 10e foa i donn los zur Christl und mittog gibts bei ihr lecker Pasta Asciutta *mjam*  

dMon am 20.6.07 08:50


[erste Seite] [eine Seite zurück]  [eine Seite weiter]